Ծանոթացնելու կարգը

Սովորաբար ծանոթացնում է մի երրորդ անձնավորություն, որը երկու կողմին էլ ճանաչում է։ Ծանոթացնողը մարդկանց միմյանց ներկայացնում է հետևյալ արտահայտությամբ. §Թ՜ույլ տվեք ներկայացնել պարոն ... -ին կամ տիկին ...–ին¦։ Երբեմն ներկայացվողը ինքն է ասում իր անունը։ Որպես կանոն՝ տղամարդուն ներկայացնում են կնոջը, կրտսերին՝ ավագին, ենթակային՝ ղեկավա­րին։ Ծանոթացնողը, դիմելով կնոջը, ասում Է տղամարդու անունը, այնուհետև դիմելով տղամարդուն՝ կնոջ անունը։ Սկզբում ասում են կրտսերի անունը, այնուհետև՝ ավագինը, սկզբում ենթակայի անունը, այնուհետև՝ ղեկավարինը։ Երիտասարդին որևէ պաշտոնյայի սովո­րաբար ներկայացնում են հետևյալ կերպ. §Պարոն նախարար, թույլ տվեք Ձեզ ներկայացնել երիտասարդ տնտեսագետ Պետրոսյանին¦ կամ §Հարգելի պրոֆեսոր, կարելի՞ է Ձեզ ներկայացնել 2-րդ կուրսի ուսանող Պողոսյանին¦։

Ընտանիքի անդամներին ներկայացնում են առանց ազգանունը նշելու։ Օրինակ՝ §իմ ամուսինը¦, §իմ քույրը¦, §իմ եդբայրը¦։ Եթե ներ­կայացնողն ունի մի քանի քույր և եղբայր, պարզության համար կարե­լի է ավելացնել. §իմ քույրը`Մարինեն, իմ եղբայրը՝ Կարենը¦։

Քրոջը, ամուսնուն և հատկապես ծնողներին չեն ներկայացնում ավելի կրտսերների։ Այս դեպքում առաջնորդվում են հիմնական կանո­նի համաձայն, այսինքն՝ կրտսերին ներկայացնում են ավագին։

Տանտիրուհին ընդունելով հյուրերին՝ նրանց ծանոթացնում է մի­մյանց։ Դա կարող է անել նաև տանտերը։ Եթե այդ պահին տանտերն ու տանտիրուհին ներկա չեն, այդ պարտականությունը ստանձնում է որևէ մերձավոր ազգական կամ բարեկամ։

Մարդաշատ հավաքների, ինչպես նաև պաշտոնական ընդունելու­թյունների ժամանակ հյուրընկալը, իհարկե, ի վիճակի չէ բոլոր ներկա­ներին ներկայացնելու միմյանց։ Նման դեպքում հյուրերը միմյանց հետ ծանոթանում են ընդհանուր ծանոթների միջոցով կամ ինքնուրույն։

Եթե հյուրերն արդեն նստել են սեղանի շուրջ, և ուշացած հյուր է ներս մտնում, տանտերը պետք է դիմավորի նրան, նստեցնի և ծանո­թացնի միայն մոտ նստած հարևանների հետ։

Երբ ձեզ ներկայացնում են որևէ մեկին, հարկավոր է ոտքի կանգ­նել և նայել դիմացինի աչքերին։ Այս դեպքում կարող են նստած մնալ միայն կանայք, ծերերը և հիվանդները։ Կինը նույնպես, եթե ցանկա­նում է, կարող է ոտքի կանգնել։